खोज

आधुनिक सुविधा सम्पन्न र परम्परागत शैलीको बुटिक होटल होसाम्बाला काठमाडौंको महाराजगञ्जमा रहेको छ । यो होटल तिब्बतीयन बुटिक होटलका रुपमा परिचित छ ।

सन् २०१४ सालमा स्थापना भएको साम्बालाको रुफटप स्वीमिङ पुल र पुल साइड क्याफेले जो कोहीलाई मोहित बनाउँछ । होटलबाट काठमाडौंका पहाड र दृश्य नियाल्न सकिन्छ ।

होटलले परम्परागत नेपाली शैलीमा अतिथिलाई सत्कार गर्दै आइरहेको छ । साम्बाला पुग्ने पाहुनाले नेपालीका साथै तिब्बती सम्पदा, कला र संस्कृतिलाई नजिकबाट नियाल्न सक्छन् ।

६५ कोठा रहेको साम्बालामा नेपाली खानाका साथै अन्य विभिन्न परिकार पनि पाइन्छन् । यहाँ एक रातको शुल्क ७ हजारदेखि ९ हजार रुपैयाँसम्म लाग्ने गरेको छ । त्यस्तै स्वीट रुमको शुल्क १६ हजारभन्दा माथि रहेको छ ।