खोज

काठमाडौं। नक्सालमा बाइकर्स क्याफे सञ्‍चालनमा आएको छ । हिमालयन जाभाले फुड र ड्रिंक सर्भ गर्ने क्याफेमा गोल्छा ग्रुपले बाइकका गियर र बाइक बिक्री गर्ने कम्पनीले जनाएको छ। बजाज र केटीएम बाइक बिक्री गर्दै आएको गोल्छा अर्गानाइजेसनको लेगेसीलाई नयाँ आयाम दिँदै चौथो पुस्ता अभिमन्यु गोल्छाले ल्याएका हुन् ।

अभिमन्यु नेपाल उद्योग वाणिज्य महासंघका निवर्तमान अध्यक्ष शेखर गोल्छाका छोरा हुन्। उनी गोल्छा अर्गानाइजेसनका निर्देशक पनि हुन्। उनले पछिल्लो समय बजाज र केटीएम बाइकको बिजनेस पनि समाहल्दै आइरहेका छन्।

क्याफे हिमालयन जावा कफी र गोल्छा ग्रुपसँगको सहकार्यमा सञ्‍चालनमा आएको हो। यो क्याफेमा बाइक, कफी, फुड, राइडिङ गेयर डिस्प्ले हुनुका साथै बाइक खरिद गर्ने ग्राहकहरुसँग डिलिङ गरिने कम्पनीले जनाएको छ।

कम्पनीका अनुसार यसको उद्देश्य बाइक पारखीहरुका लागि विशेषगरी बजाज र केटीएमको बाइकिङको एम्बिएन्ससहित जावाको कफी एकै ठाउँमा उपलब्ध गराउनु हो।

यो क्याफेमा बाइक सेल्सका साथै क्याफेमा राइडिङ गेयरको नेपाली ब्राण्ड काभाचका विभिन्‍न सामग्री उपलब्ध छन्। क्याफे निर्माणको लागि लगभग २ करोड रुपैयाँ लगानी लागेको अभिमन्यु बताउँछन्।