खोज

चितवन । चितवनको सौराहामा सेन्टर पार्क रिसोर्ट सञ्चालन गरिरहेको समूहले काभ्रेको धुलिखेलमा अर्को नयाँ रिसोर्ट सञ्चालनमा ल्याएको छ।

धुलिखेलमा ४० करोड रुपैयाँ लागतमा हिमालय दृश्य रिसोर्ट सञ्चालनमा ल्याएको कम्पनीका अध्यक्ष सीबी थापाले जानकारी दिए। थापासहित नेपाली कांग्रेसका सांसद एवं व्यवसायी उमेश श्रेष्ठ, पर्यटन व्यवसायी श्यामकाजी महत र अशोक श्रेष्ठको लगानीमा नयाँ रिसोर्ट सञ्चालनमा आएको हो।

दुई वर्षअघि निर्माण सुरु भए पनि कोभिड—१९ का कारण झन्डै एक वर्ष निर्माणमा ढिलाइ भएपछि भर्खरै मात्र रिसोर्ट सञ्चालनमा ल्याउन सकिएको अध्यक्ष थापाले जानकारी दिए। थापाले प्रवद्र्धकबाट २० करोड र बैंक ऋण २० करोड लगानी गरेर रिसोर्ट सञ्चालनमा ल्याएको बताए।