सिराहा। सिराहाको गोलबजारमा होटलभित्र हत्या गरेको अवस्थामा एक महिलाको शव फेला परेको छ।
शनिबार राति होटल सञ्चालक एक महिलाको हत्या घटना अनुसन्धानका लागि प्रहरीले उनका पतिसहित चार जनालाई पक्राउ गरेको छ।
पूर्वपश्चिम राजमार्गसँगै रहेको गोलबजार नगरपालिका– ६ मा होटल सञ्चालन गर्दै आएकी ३२ वर्षीया अनिता कुमारी साहको शनिबार मध्यराति हत्या भएको थियो । अनुसन्धानका लागि अनिताका पति महेन्द्रकुमार साहसहित चार जनालाई पक्राउ गरिएको जिल्ला प्रहरी कार्यालय सिराहाका प्ररही उपरीक्षक (एसपी) सन्तोष आचार्यले जानकारी दिए ।
प्रहरीले मृतक महिलाका पति महेन्द्रसहित दुई पुरुष र दुई महिलालाई नियन्त्रणमा लिएको हो ।
