खोज

सिरहा।  सिरहामा होटल सञ्चालन गर्दै आएकी एक महिलाको आफ्नै घर भित्र हत्या गरिएको अवस्थामा शव फेला परेको छ ।

सिरहा गोलबजार नगरपालिका-६ का महेन्द्रकुमार साहकी श्रीमती ३२ वर्षीया अनिताकुमारी साहको ढुङ्गा र धारिलो हतियार प्रयोग गरी हत्या भएको अवस्थामा शव फेला परेको जिल्ला प्रहरी कार्यालय सिरहाले जनाएको छ ।

स्थानीय सिकन्द्र पूर्वेको घर भाडामा लिएर विगत एक वर्षदेखि होटल सञ्चालन गर्दै आएकी साहको गर्दन काटिएको तथा टाउको क्षतविक्षत भएको अवस्थामा घरभित्र शव फेला परेको इलाका प्रहरी कार्यालय गोलबजारले जनाएको छ ।

घटना भएको घर नजिकको गोठबाट एक थान खुकुरी बरामद भएको छ ।