खोज

काठमाडौं। चौधरी ग्रुप र एनई ग्रुपको साझेदारीमा ललितपुर झम्सिखेलमा विश्वविख्यात ताज ब्रान्डको ‘भिभान्ता काठमाडौं’ रहेको छ।

होटल तयार भएसँगै अबको केही दिनमा होटल सञ्चालनमा ल्याउने तयारी चौधरी समूहको छ। होटलमा सुइटसहित एक सय ११ रुम छन्। होटलको १० औं तलामा स्वीमिङ पुल छ ।

‘इन्डियन होटेल्स कम्पनी लिमिटेड आइएचसिएल’को व्यवस्थापनमा ‘भिभान्ता काठमाडौं’ । चितवन राष्ट्रिय निकुञ्जमा सीजी हस्पिटालिद्वारा सञ्चालित चित्ताकर्षक रिसोर्ट ‘मेघौली सेराई’ पछि आईएचसीएलले व्यवस्थापन गर्ने ‘भिभान्ता काठमाडौं’ दोस्रो परियोजना हो। ‘मेघौली सेलाई’लाई ‘एल–अफिसियल’ म्यागेजिनले संसारका सुन्दर होटल/रेस्टुराँको सूचीमा राखेको छ ।

दक्षिण एसियाकै ठूलो र नमुना हस्पिटालिटी कम्पनी ‘इन्डियन होटेल्स कम्पनी लिमिटेड (आईएचसीएल) ले ‘भिभान्ता काठमाडौं’ को व्यवस्थापन सम्हालेको छ जसलाई विश्व विख्यात ताज ब्रान्डका रूपमा चिनिन्छ।

चौधरी समूहले लगानी गरेको यो होटलमा मात्र होइन ताज समूहले जंगल सफारी रिसोर्ट मेघौली सेराईको व्यवस्थापन पनि हेर्दै आइरहेको छ। चौधरी ग्रुप र ताज समूहबीच श्रीलंका, माल्दिभ्स, थाइल्यान्ड, दुबई र भारतमा होटल तथा रिसोर्टहरू सहकार्य छ।