काठमाडौं। काठमाडौंको एक रेष्टुरेण्टमा महिलाको अश्लिल भिडियो बनाएको आरोपमा सशस्त्र प्रहरीका एक डीएसपी पक्राउ परेका छन् ।
स्वयम्भूमा रहेको एक रेस्टुरेन्टको शौचालयमा महिलाको तस्बिर खिचेको आरोपमा पोखरा बाहिनीमा कार्यरत डिएसपी तुलसिंह केसी पक्राउ परेका हुन् । महिलाको उजुरीपछि स्वयम्भू प्रहरी वृत्तको टोलीले उनलाई पक्राउ गरी थप अनुसन्धान गरिरहेको छ ।
वैयक्तिक गोपनीयतासम्बन्धी ऐन, २०७५ अनुसार अनुमतिबिना कसैको तस्बिर वा भिडियो खिच्न पाइँदैन । ऐनमा कसैले कुनै पनि व्यक्तिको चरित्र वा सामाजिक प्रतिष्ठामा क्षति पुग्ने गरी निजको मञ्जुरीबिना निजको तस्बिर खिच्न नहुने भनिएको छ ।
