काठमाडौँ । नेपाल पर्यटन तथा होटल व्यवस्थापन प्रतिष्ठान (नाथम)को कार्यकारी निर्देशकमा सहसचिव ढुण्डी प्रसाद निरौला नियुक्त भएका छन्।
नेपाल सरकार मन्त्रिपरिषद्को निर्णयानुसार (नाथम) कार्यकारी निर्देशकमा निरौला नियुक्त भएका हुन्। नवनियुक्त कार्यकारी निर्देशकलाई आज प्रतिष्ठानमा विभागीय प्रमुख अजय कुमार ढकाल सहित समस्त कर्मचारीबाट स्वागत गरिएको थियो ।
कार्यकारी निर्देशकले आजै पदबहालीसमेत गरेका थिए । पदबहाली पश्चात परिचयात्मक कार्यक्रमको पनि आयोजना गरियो । कार्यकारी निर्देशक निजामती सेवाका राजपत्रांकित प्रथम श्रेणी कर्मचारी हुन् ।
