खोज

काठमाडौं । सिद्धार्थ हस्पिटालिटीले चितवनको सौराहामा लग्जरी रिसोर्ट ‘सिद्धार्थ भिलासा बन्बास’ संचालनमा आइसकेको छ। ‘भिलासा’ सिद्धार्थ ग्रुपको लग्जरी ब्राण्ड हो ।

‘भिलासा’ सिद्धार्थ ग्रुपको लक्जरी ब्राण्ड हो सिद्धार्थ ग्रुपका अध्यक्ष लक्ष्मण न्यौपानेका अनुसार स्थानीय व्यवसायी बासु ढुंगानाले निर्माण गरेको रिसोर्टमा सिद्धार्थ ग्रुपले लगानीसहित व्यवस्थापनको जिम्मेवारी लिएको हो ।

रिसोर्टमा रहेका २२ भिल्लामा ३४ कोठा छन् । ‘बर्ड वाचिङ’ थिमलाई प्राथमिकता दिइएको रिसोर्टका कोठाहरू चराको नामबाट नामकरण गरिएका छन् । चार बिघा क्षेत्रफलमा फैलिएको रिसोर्टमा पाहुनाले रिसोर्टपरिसरमै रहेको तलाउमा ‘फिसिङ’ गर्न सक्नेछन् । सौराहाको हात्तीसारनजिकै भएकाले रुमबाटै हात्ती देख्न सकिन्छ ।

यस्तै, चितवन राष्ट्रिय निकुञ्जको नजिकै रहेको रिसोर्टले जिप सफारी, हात्ती सफारी, बोट सफारीलगायतका गतिविधि पनि गराउनेछ । रिसोर्टमा स्विमिङ पुल, मसाजसहितको स्पा पनि रहनेको छ ।