खोज

काठमाडौँ। आगामी माघ २७ गतेबाट कोसी प्यालेस होटल संचालनमा आउदैछ। विगत डेढ वर्षअघि देखि निर्माण सुरु गरिएको होटल सञ्चालनमा आइसके पनि औपचारिक उद्घाटनका माघ २७ गते विशेष कार्यक्रम बीचमा उद्घाटन गर्ने सञ्चालकले बताएका छन्।

सुनसरीको चतरा र उदयपुरको बेलकालाई पर्यटकीय हब बनाउने योजनासहित एउटा सुविधासम्पन्न होटल सञ्चालनमा आएको छ। गत पुस १६ गतेदेखि नै सञ्चालनमा आइसकेको यो होटलको आगामी माघ २७ गते संस्कृति पर्यटन तथा नागरिक उड्ययन मन्त्री सुदन किरातीले औपचारिक उद्घाटन गर्दैछन्।

यो होटलले नेपालसहित भारतका पनि पर्यटकलाई तान्ने योजना बनाएको छ। सुनसरीको बराहक्षेत्र मन्दिर दर्शन गर्न आउने दर्शनार्थीहरू र कोशीपुल क्षेत्रमा घुम्न आउने पर्यटकलाई यसले तान्ने अपेक्षा छ।