खोज

काठमाडौं। दी सोल्टी काठमाडौं र घाम पावर नेपालबीच सौर्य ऊर्जा उत्पादन तथा उत्पादित सौर्य ऊर्जा होटेलमा आपूर्ति गर्नेबीच सहकार्य भएको छ ।

सोल्टी होटल लिमिटेडको दि सोल्टी काठमाडौं र घाम पावर नेपालको सहकार्यमा सोल्टी होटेलका भवनहरूको छत तथा पार्किङ क्षेत्रको उपलब्ध स्थानहरूमा ५०६ किलोवाट पीक क्षमताको सौर्य ऊर्जा प्रणाली सफलतापूर्वक जडान गरेर सौर्य ऊर्जा उत्पादन तथा उत्पादित सौर्य ऊर्जा होटेलमा आपूर्ति गर्ने कार्य सुरु गरेका छन्।

सौर्य ऊर्जा प्रणालीको ऊर्जा उपभोग तथा प्रयोगको रणनीतिक पहलबाट होटेलले साविक रुपमा यसअघि खपत गर्ने गर्ने १९६ किलोलिटर डिजेल पूर्णत विस्थापित भएको सोल्टी होटलले जनाएको छ । सौर्य ऊर्जा परियोजनाको सफल कार्यान्वयन भएसँगै होटेलले आगामी १५ वर्षमा उल्लेख्य रुपमा ९९५ टन कार्बन उत्सर्जन न्यूनीकरण गर्ने होटलले जनाएको हो । सौर्य ऊर्जा प्रणालीको सफल स्थापनाबाट सोल्टी होटेलको साविक बिजुलीको लागत घट्न गई खर्चमा समेत मितव्ययीता हुन गई सञ्चालन खर्चमा समेत उल्लेख्य बचत हुने जनाएको छ ।