खोज

काठमाडौँ । अर्थमन्त्री डा.प्रकाशशरण महत अब बैंकहरूले धितोबेस कर्जाभन्दा पनि प्रोडक्टबेस कर्जालाई प्राथमिकता दिन आग्रह गरेका छन्।

काठमाडौंमा बुधवार राष्ट्रिय वाणिज्य बैंकको ५९औँ वार्षिकोत्सवको अवसरमा उनले यस्तो बताए। उनले नेपालमा अधिकांश कर्जा धितोबेस भएकाले कर्जा भन्दा धितो बढी लिएर कर्जा दिने प्रचलन रहेको बताए। उनले बैंकहरू पनि कर्जा भन्दा बढी धितो लिएर कर्जा लगानी गरेकाले ढुक्क बस्ने गरेको बताए।

अब बैंकहरूले पनि धितोबेस कर्जाभन्दा पनि प्रोडक्ट अर्थात् आयोजनाबेस भएर कर्जा प्रवाह गर्न आवश्यक रहेको औंल्याए। अर्थमन्त्री डा.महतले बैंकहरूले प्रोडक्टबेस कर्जा दिँदा कर्जा दिन लायक परियोजना भए/नभएको अध्ययन मूल्याङ्कन गर्नुपर्ने बताए।