खोज

झापा । मेची क्राउन नेपालकै पहिलो पाँचतारे डिलक्स होटल हो। विदेशी व्यवस्थापकले मात्र पाँच तारे होटलको व्यवस्थापन गर्दै आइरहेको बेला पहिलो पटक नेपाली युवाको समूहले पाँच तारे होटल व्यवस्थापनको गरेको हो।

बङ्गलादेश, भूटान र भारतीय पर्यटकलाई सोझै आकर्षित गर्ने उद्देश्य राखेर नेपालको पूर्वीद्वार मेचीनगरमा ठूलो लगानीको पाँच तारे होटल मेची क्राउन सञ्चालनमा आएको लगभग ३ बर्ष भएको छ ।

पूर्वको प्रवेशद्वार र एउटा द्रुत विकासशील व्यापारीक केन्द्रको रूपमा रहेको झापास्थित धुलाबारी यो होटल भद्रपुर विमानस्थलबाट १७ किलोमिटर टाँढा छ ।  भारतको बागडोग्रा विमानस्थलबाट २५ किलोमिटरको मात्रै दुरिमा रहेको होटल नेपालका साथै भारतीय पर्यटकहरुको रोजाइमा पर्ने विश्वास व्यवस्थापनको छ ।

भारतीय क्षेत्रमा यस प्रकारका होटल नभएकोले नेपालीका साथै भारतीय र बंगलादेशका पर्यटकका लागि समेत विकल्प बन्न सक्नेछ ।  करिब डेढ अर्ब लगानीमा खुलेको होटल ८ बिघा जमिनमा फैलिएको छ । सो होटलमा भीआइपी आगमनका लागि आफ्नै निजी हेलीप्याडको समेत व्यवस्था छ भने ५ सयभन्दा बढी सवारी साधन पार्किङको सुविधा छ ।

कहिले समय पहिला होटल सञ्चालन गर्ने भेगास इन्टरटेन्मेन्ट प्रालिका अध्यक्ष पवित्रकुमार कार्कीले मुलुकको पर्यटन व्यवसायलाई समृद्ध तुल्याउन स्तरीय होटल आवश्यक हुने भएकोले प्रदेश १ मै पहिलो पाँचतारे होटल सञ्चालन गरिएको बताए ।

मेची क्राउन सेवा

• सम्मेलन, सेमिनार, बैठक र विवाहलगायतका कार्यक्रमहरु होटलमा गर्न सकिने ।
• निजी हेलिप्याडको व्यवस्था रहेको छ ।
• पाँचसय सवारीसाधन पार्किङ गर्न सकिने छ ।
• होटल मेची क्राउनका १०५ कोठा मध्ये ५ मेची सुइट्स रुम, १० वटा एक्जुकेटिभ भिला रुम, १९ मेची क्लब रुम र ७१ वटा डिलक्स रुम उपलब्ध छन् ।
• यसमा दुईवटा रेष्टुरेन्ट छन् ।
• संसारभरिका खानाको स्वादका साथै नेपालको आदिवासीहरुको विशिष्ट मौलिक परिकार समेत होटलमा उपलब्ध
•  पिक हस्पिटालिटीले यस होटलको व्यवस्थापन सम्हाल्ने छ ।

कञ्चनजङ्घा हल

कञ्चनजङ्घा हल एक मध्यम आकारको बहुउद्देश्यीय हल हो । जुन व्यापारिक र सामाजिक दुवै अवसरका लागि उपयुक्त छ। १५० प्याक्स सम्म होस्ट गर्ने क्षमता र बाहिरी कार्यक्रमहरू होस्ट गर्नको लागि आँगनको साथ, स्थान कर्पोरेट र व्यक्तिगत कार्यक्रमहरू दुवै मनाउनको लागि उपयुक्त छ।

सगरमाथा बलरूम

विवाह, अन्तर्राष्ट्रिय र राष्ट्रिय सम्मेलन, सेमिनार, सम्मेलन वा प्रदर्शनीको लागि हो।  १५ फिटभन्दा बढी छतको उचाइ भएको यो भव्य हल हो। यसमा रिसेप्शन/ककटेलको लागि १००० पाहुनाहरू र भोज-शैली सेटअपको लागि ७५० अतिथिहरू सम्म छन्। भव्य बलरूममा भव्य झरनासहितको फराकिलो आँगन छ।