खोज

महेन्द्रनगर । कञ्चनपुरको महेन्द्रनगरमा १० करोड लगानीमा सुविधा सम्पन्न होटल खुलेको छ । स्वदेशबाट फर्कीका स्थानीय कोमल बहादुर सिंहले ९ र ११ होटल एण्ड बार सञ्चालनमा ल्याएका हुन् ।

२५ वर्षपछि कतारको वैदशिक रोजगारीबाट फर्केका सिंहले स्वदेशमै व्यवसाय थालेको बताए । विदेशी अवधारणा अनुसार अन्र्तराष्ट्रिय स्तरको सेवा सुविधासहितको होटल खोलेको उनले बताए ।

होटलमा सम्पुर्ण किसिमका ईण्डीयन, चाईनीज खानाका परिकारसहित खानेकुरासहित आवासको समेत व्यवस्था गरिएको छ ।

होटलमा वर्थ डे पाटी, सेमिनार, बिवाह पाटी तथा सुविधा सम्पन्न लजिङको व्यवस्था रहेको सञ्चालक सिंहले बताए । साथै होटलले नेपाल भारतका विभिन्न स्थानको भ्रमणका लागि टुर एण्ड ट्राभलको सुविधा समेत रहेको जनाएको छ ।

सन् १९९५ मा वैदेशिक रोजगारीका लागि कतार पुगेका सिंह सन् २०१९ मा नेपाल फर्किए । कतारमा निर्माण क्षेत्रमा काम गरेका उनले करिब २५ वर्ष लामो बसाईमा होटल क्षेत्रको समेत अनुभव बटुलेको सुनाए ।